امریکی صدر اور صیہونی حکومت کے ذریعہ جنرل سلیمانی کو مسلسل قتل کی دھمکیاں دی گئیں۔گذشتہ سال بھی امریکی محکمہ خارجہ کے عہدیداروں نے جنرل سلیمانی پر ملک میں مظاہروں کے دوران شامی سیکیورٹی فورسز کے ساتھ تعاون اور بشار الاسد کے مخالفین کو دبانے کا الزام عائد کیا تھا ، جس کے بعد امریکی محکمہ خزانہ نے شہید کمانڈر پر پابندیاں عائد کردی تھیں۔عالمی میڈیا میں قاسم سلیمانی کے نام کے بار بار دہرائے جانے کے بعد ، اے ایف پی نے ایک ایسی خبر شائع کی جس میں امریکی حکومت کے ذریعہ ان کے قتل کا امکان ظاہر کیا گیا۔
اس خبر کے مطابق ، امریکی فوج کے سابق کمانڈر جیک کین ، جو امریکی کانگریس کی سماعت میں موجود تھے ،  انہوں نے ایرانی عہدیداروں ، خاص طور پر اسلامی جمہوریہ ایران کے پاسداران انقلاب کے اعلی عہدیداروں کے قتل کے منصوبے کا حوالہ دیتے ہوئے کہا: انہیں کیوں نہیں مارتے؟ انہوں نے ایک ہزار کے قریب امریکیوں کو ہلاک کیا ہے ، تو پھر کیوں نہ انہیں جان بوجھ کر قتل کیا جائے؟ میں یہ نہیں کہہ رہا کہ ہمیں فوجی کارروائی کرنی چاہئے ، میرا مشورہ ہے کہ ہم خفیہ کاروائیاں کریں۔ ہمیں ان پر بہت دباؤ ڈالنا ہے۔
انسٹی ٹیوٹ برائے دفاع برائے جمہوریت کے ماہررویل مارک گریچ  کا کہنا ہے کہ: وہ ہمارے جیسے منطقی نہیں ہیں، مجھے نہیں لگتا کہ آپ ان میں سے کسی کو مارے بغیر انہیں ڈرا سکتے ہیں۔ قاسم سلیمانی بہت سفر کرتا ہے ، جا کر اسے گرفتار کرو یا اسے مار ڈالو!
اے ایف پی کے مطابق ، اس بیان کے تسلسل میں ، کچھ امریکی نمائندوں نے بتایا کہ ہم ایران کے بارے میں کسی بھی اقدام کو اپنے ذہنوں سے دور نہیں سمجھتے ، لیکن جیک کین کے بیانات سے اتفاق کرنے سے انکار کردیا۔