شہید قاسم سلیمانی ؒ کی سب سے بڑی خوبی اور خصوصیت یہ تھی کہ انہوں نے کبھی بھی مذہبی، لسانی، قومی، رنگ و نسل اور مذہب کی بنیاد پر ترجمانی نہیں کی بلکہ انسانیت کی بقاء اور انسانیت کی آزادی کے خاطر دشمن کے خلاف ہر محاذ پر نکلے۔ شہید سلیمانی قومی یکجہتی، سماجی انصاف اور مساوات و اخوت کے قائل رہنماء تھے اور انہی بنیادوں پر اپنے تعلقات استوار کرنے کے خواہشمند تھے۔ اتحاد بین المسلمین کیلئے شہید قدس نہ صرف کوشاں رہے بلکہ عملی طور پر ایسے اقدامات اٹھائے، جن سے مسلم دنیا کا مزاحمتی خیمہ کلمہ لا الہ کے جھنڈے تلے یک جٹ ہوگیا اور یک زبان ہوکر مرگ بر اسرائیل مرگ بر دشمنان اسلام کا نعرہ بلند کرتے ہوئے اس دہشتگرد پر میزائیلوں کی برسات کرتے رہے۔ آپ کی یہ خصوصیت اور اعتدال سب سے نمایاں اور ممتاز ہے۔ شہید سلیمانی قدس شریف کی آزادی کے لئے بھی میدان محاذ پر جوانوں کا حوصلہ بڑھانے نکلے، ان کی عسکری رہنمائی کرتے تھے اور شام و عراق میں بھی میدان کارزار کے سپہ سالار بن کر دن رات بیدار رہتے تھے۔ مدافع حرمین بن کر آپ نے سیسہ پلائی ہوئی دیوار کی مانند دشمن کی آنکھوں میں آنکھیں ڈالیں۔