امریکہ کی جانب سے قاسم سلیمانی اور ابو مہدی المہندس کا قتل نہ صرف بین الاقوامی قانون کے تمام فریم ورک کے خلاف تھا ، بلکہ جیسا کہ وزیر خارجہ جواد ظریف نے زور دیا ، وہ ریاستی دہشت گردی کی ایک مثال تھا۔ ٹرمپ کے اس اقدام کی ، جو امریکی کانگریس سے مشورہ کیے بغیر کیا گیا تھا ، امریکہ کے اندر وسیع پیمانے پر شدید تنقید کی گئی ، اور امریکہ میں ان کے سیاسی مخالفین نے ٹرمپ کو وسیع پیمانے پر تنقید کا نشانہ بنایا۔
ڈونلڈ ٹرمپ کے دو سیاسی حریف برنی سینڈرز اور جو بائیڈن نے حقیقت پسندانہ نظریہ اپناتے ہوئے ٹرمپ کے اس  اقدام کے نتائج کے بارے میں خبردار کیا۔  سینڈرز نے اپنی ٹویٹ میں لکھا کہ ایران کے رد عمل اور ایک اور جنگ کی صورت میں، اس (ممکنہ) جنگ سے بہت سارے امریکیوں کی زندگیاں ضائع ہوں گی اور امریکہ کو  اربوں ڈالر کا نقصان اٹھانا پڑے گا۔ جو بائیڈن نے بھی کہا کہ ٹرمپ کے دعوے کے برخلاف ، ان کے اس عمل سے کوئی روک تھام نہیں ہوگی بلکہ  اس کا الٹا اثر پڑے گا۔